oliverknox
New Member
I'm looking for a fling
Posts: 5
|
Post by oliverknox on Oct 2, 2014 23:02:55 GMT
Maayong buntag Papa B,
Duna gyud koy bug-at nga problema Papa B unta imo kong matabangan ini. Duna koy nakarelasyon nga babaye sulod na sa napulo katuig. Ingon sila kung muabot na ining kadugayon dili gyud daw para kamo.. Mahitungod sa babaye wala man koy problema niya, iyang ginikanan maayo man ang trato sa ako, hasta pud iyang mga igsuon ang ako lang ang iyang pagka mauwawon dire sa akong ginikanan. Dunay higayon nga kung mubisita mi sa amo dili kaayo siya hinagad dire sa akong pamilya ambot ug unsay iyang problema mao nga usahay muistorya akong ginikanan sa ako nga buwagan nalang daw nako siya kay wala na daw tingale ni paingnan ning relasyona mutiguwang nalagn daw mi dili gihapon maminyo.. 30 anyos nako siya 29.
Sakto ba ang tambag sa akong pamilya Papa B?
Tabangi ko!
|
|
|
Post by Papa B on Oct 3, 2014 19:38:47 GMT
Oliver,
Daghan kahigayonan kitang mga nilalang dinhi sa kalibutan makabaton ug swerte ug malas nga pagtagad sa relasyon apan dili kana igo aron atong hukman ang usa ka sitwasyon. Sa imong bahin, ang imong relasyon karon makaingon ko mausbongon (fruitful) dili tungod kay naminyo namo ug naka baton ug anak kundili mausbungon tungod kay milambo ug milantad mog napulo ka tuig sa inyong panaghigugmaay. Daghang pagsuway ang miabot apan mipatigbabaw ang inyong tagsa ka mga kasing-kasing aron sugpuon tanang kahimanan nga milabay diha sa inyong relasyon. Ang ginikanan usa sa pinaka ugat sa atong desisyon apan dili kana angayan nga sa tanang higayon atong sundon, sa imong pangidaron karon oliver igo kana nga ikaw ang mudisisyon sa kung asa man magmalipayon ang imong kasing-kasing nga way impluwensya nga husga gikan sa imong ginikanan. Tuod ang ginikanan ang ehemplo natong mga anak ug tuod ilang gusto ang kaayohan sa iyang mga anak, gani dunay mga panahon nga kitang mga anak makasugat ug panaglalis ang ginikanan mulaban dayon nato bisag kahibalo sila nga kita ang sayop tungod kay mupatigbabaw gyud ang dugo sa dugo. Pero Oliver sa pagpakasal maayo una nga imo usa timbangon dili tungod kay dunay impluwensya sa imong ginikana kundi sutaon sa nimo nga sakto ug hapsay naba ang tanan aron ikaw mudisisyon sa bug-at nga respnonsibilidad sa umaabot nga katigayonan. Dili basehan ang gidugayon sa kaminyuon, duna koy amigo nga 18 ka tuig una sila naminyo tungod kay giuna nila ilang ambisyon sa tagsa-tagsa ka propesyon para sa ilang mga ambisyon sa kinabuhi.
Sa laing bahin diha sa imong uyab nga dili kaayo hinagad sa imong pamilya dunay daghang factors ana kung nganu ingon ana iyang approach sa imong ginikanan.
- Sumpayan
|
|